Սերգեյ Հարությունյան
 | |
|---|---|
| Ծնվել է | 1937 |
| Մահացել է | հունվարի 19, 2000 |
| Քաղաքացիություն |  Հայաստան |
| Ազգություն | հայ |
| Կրթություն | Երևանի Մխիթար Հերացու անվան Պետական Բժշկական Համալսարան |
| Մասնագիտություն | Վիրաբույժ |
| Գիտական աստիճան | բժշկական գիտությունների թեկնածու |
Սերգեյ Իվանի Հարությունյան (ապրիլ, 1937, Երևան - հունվարի 19, 2000, ք. Սիսիան (Սյունիքի մարզ)), հայ վիրաբույժ։ Բժշկական գիտությունների թեկնածու (1975)։
Կենսագրություն
[խմբագրել | խմբագրել կոդը]1960 թվականին ավարտել է Երևանի պետական բժշկական ինստիտուտը։ 1968-1988 թվականներին աշխատել է Կամպի շրջանի բուժմիավորումում, Անդրկովկասի երկաթուղային վարչության Երևանի բաժանմունքի կլինիկական հիվանդանոցում, Երևանի պետական բժշկական ինստիտուտում, Հանրապետական հիվանդանոցի վիրաբուժական բաժանմունքում։
1991-2000 թվականներին կամավոր և գործուղումով մեկնել է ՀՀ սահմանամերձ շրջաններ և ԼՂՀ ռազմադաշտային շարժական և կենտրոնական կլինիկական զինվորական հոսպիտալներում վիրաբուժական օգնություն է ցույց տվել բազմաթիվ վիրավոր ազատամարտիկների և խաղաղ բնակիչների։
Մահը
[խմբագրել | խմբագրել կոդը]Զոհվել է ուղղաթիռի վթարից (Երևան-Սիսիան-Ստեփանակերտ չվերթ)՝ հերթական առաջադրանքը կատարելիս։
Հետմահու պարգևատրվել է ԼՂՀ «Արիության համար» մեդալով։ Թաղված է Եռաբլուրում։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Ղարաբաղյան ազատագրական պատերազմ (1988—1994) հանրագիտարանից, որի նյութերը թողարկված են՝ Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո ։ 
|